03.11.2026 | 16:31
Փաշինյանը Մեցոլայի հետ քննարկել է Հայաստանին ԵՄ առևտրային արտոնություններ տրամադրելու հարցը
Հույս ունեմ՝ կայցելեմ Ադրբեջան, երբ 2028-ին 10-րդ գագաթնաժողովն այնտեղ անցկացվի․ Փաշինյան․ ՏԵՍԱՆՅՈՒԹ
Քաղաքականություն
04.05.2026 | 12:40
Երևանում մեկնարկել է Եվրոպական քաղաքական համայնքի 8-րդ գագաթնաժողովը, որի բացման ելույթում Հայաստանի վարչապետ Նիկոլ Փաշինյանը կարևորեց ձևաչափի դերը տարածաշրջանում խաղաղության հաստատման գործում։
«Մեծ պատիվ է մեզ համար հյուրընկալել Եվրոպական քաղաքական համայնքի ութերորդ գագաթնաժողովը։ ԵՔՀ ձևաչափը շատ-շատ կարևոր է։ Այն վճռորոշ դեր է խաղացել Հայաստանի և Ադրբեջանի միջև խաղաղության հաստատման գործում։ 2022 թվականին Պրահայում կայացած ԵՔՀ առաջին գագաթնաժողովի շրջանակներում Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի կողմից կազմակերպվեց քառակողմ հանդիպում։ Եվ այնտեղ Ադրբեջանի նախագահ Իլհամ Ալիևը և ես ընդունեցինք խաղը փոխող որոշում։ Հայաստանն ու Ադրբեջանը ճանաչեցին միմյանց տարածքային ամբողջականությունն ու ինքնիշխանությունը՝ հիմնվելով 1991 թվականի Ալմա-Աթայի հռչակագրի վրա»,- ասաց Փաշինյանը։
Նա նաև նշեց, որ այս գագաթնաժողովը պատմական է Հայաստանի համար՝ ընդգծելով, որ բազմաթիվ երկրների ղեկավարներ առաջին անգամ են այցելում Հայաստան և Թուրքիայի փոխնախագահի այցը աննախադեպ որակեց։
Փաշինյանը կարևորեց նաև այն փաստը, որ Ադրբեջանի նախագահ Իլհամ Ալիևը առաջին անգամ է մասնակցում Հայաստանում անցկացվող միջոցառման՝ թեկուզ հեռավար ձևաչափով։
Մանրամասները՝ տեսանյութում։
