02.07.2026 | 13:49
Պարզ ճակատով եմ ավարտում այս փուլը, որևէ բանի համար չեմ փոշմանում. Ալեն Սիմոնյան․ ՏԵՍԱՆՅՈՒԹ
Էդուարդ Սպերցյանը 100-րդ արդյունավետ գործողությունն է կատարել «Կրասնոդարում»․ ՏԵՍԱՆՅՈՒԹ
04.05.2026 | 11:07
Ֆուտբոլի Ռուսաստանի Պրեմիեր լիգայի 28-րդ գործող տուրում չեմպիոն «Կրասնոդարը» մրցակցի խաղադաշտում նվազագույն հաշվով հաղթել է Տոլյատիի «Ակրոնին»։
Հյուրերի հաղթական գոլը 72-րդ րոպեին խփել է կոլումբացի հարձակվող Ջոն Կորդոբան, որն աչքի է ընկել Հայաստանի ազգային հավաքականի կիսապաշտպան Էդուարդ Սպերցյանի փոխանցումից հետո։
Հայաստանի հավաքականի կիսապաշտպան Էդգար Սևիկյանը բացակայում էր «Ակրոնի» հայտացուցակից։
Էդուարդ Սպերցյանը Ջոն Կորդոբայից հետո երկրորդ ֆուտբոլիստն է, որը «Կրասնոդարի» կազմում հասել է 100 արդյունավետ գործողությունների (գոլ+գոլային փոխանցում) ցուցանիշին։ 25-ամյա կիսապաշտպանը խփել է 57 գոլ ու կատարել 43 գոլային փոխանցում, հաղորդում է ակումբի մամուլի ծառայությունը։
«Կրասնոդարը» 63 միավորով գլխավորում է մրցաշարային աղյուսակը և 1 միավոր առաջ է երկրորդ տեղում գտնվող «Զենիթից»։
