04.06.2026 | 20:07
ՊՆ-ն պարզաբանում է սահմանային անցակետերում ռազմական ոստիկանության ներկայության նպատակը
Փաշինյանը եկավ այն ռեստորան, որտեղ Մակրոնն է ընթրում․ ՏԵՍԱՆՅՈւԹ
Քաղաքականություն
03.05.2026 | 23:22
Ֆրանսիայի նախագահ Էմանուել Մակրոնը Երևանի կենտրոնով զբոսնելուց հետո մտել է Աբովյան փողոցում գտնվող ռեստորաններից մեկը։ Որոշ ժամանակ անց նրան է միացել վարչապետ Նիկոլ Փաշինյանը։
Հիշեցնենք՝ Մակրոնը և Եվրոպայից Հայաստան ժամանած մի շարք պաշտոնյաներ Երևանում մասնակցելու են Եվրոպական քաղաքական համայնքի գագաթնաժողովին։
Գագաթնաժողովը անցկացվում է տարին երկու անգամ, և դրան մասնակցում են եվրոպական երկրների առաջնորդները՝ քննարկելու համագործակցությունը ընդհանուր առաջնահերթությունների շուրջ, ներառյալ՝ ժողովրդավարության ամրապնդումը, տնտեսական և էներգետիկ անվտանգությունը, նորարարությունների և նոր տեխնոլոգիաների զարգացումը, ինչպես նաև տարածաշրջանային խնդիրների լուծումը։
ԵՔՀ կազմում են ԵՄ 27 երկրներ և 20 գործընկեր պետություններ, որոնց թվում են Ուկրաինան, Ադրբեջանը, Հայաստանը, Վրաստանը և Մոլդովան։ Կազմակերպությունը ստեղծվել է 2022 թվականին Մակրոնի նախաձեռնությամբ՝ ի պատասխան Ռուսաստանի լայնածավալ ագրեսիայի Ուկրաինայի դեմ և նպատակ ունի խորացնել ԵՄ-ի և եվրոպական այլ երկրների համագործակցությունը։
