17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
Լուրերով հետևեք Հայաստանում տեղի ունեցող այս շատ մեծ իրադարձություններին․ Նիկոլ Փաշինյան
Քաղաքականություն
03.05.2026 | 10:56
Առաջիկա օրերին խոշոր իրադարձություններ են սպասվում Հայաստանի Հանրապետությունում։ Այս մասին ֆեյսբուքյան իր էջում հրապարակված տեսանյութում նշել է վարչապետ Նիկոլ Փաշինյանը։
«Վաղը տեղի է ունենալու Եվրոպական քաղաքական համայնքի երկրորդ գագաթաժողովը, և այսօրվանից, դեռ երեկվանից, հյուրեր են ժամանում, և մի քանի տասնյակ երկրների ղեկավարներ են լինելու Հայաստանի Հանրապետությունում։
Հաջորդ օրը տեղի է ունենալու Ֆրանսիայի նախագահ Էմանուել Մակրոնի պետական այցը Հայաստանի Հանրապետություն, և նաև, ինչպես արդեն տեղյակ եք, մենք նախագահ Մակրոնի հետ այցելելու ենք նաև Գյումրի, որտեղ Վարդանանց հրապարակում 18:00-ից տեղի է ունենալու համերգ՝ ֆրանսիացի և հայ աստղերի մասնակցությամբ։
Եվ այս տրամաբանության մեջ, իհարկե, Երևանի կենտրոնը, ճանապարհները, անվտանգության միջոցառումները քաղաքացիներին բազմաթիվ անհարմարություններ են պատճառելու։ Այս է պատճառը, որ մասնավորապես վաղվա՝ մայիսի 4-ի՝ հինգշաբթի օրը հայտարարել ենք ոչ աշխատանքային օր, որպեսզի դուք հետևեք նաև լուրերով Հայաստանում տեղի ունեցող այս շատ մեծ իրադարձություններին»,-նշել է նա։
