12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Երևանյան գագաթնաժողովում Թուրքիան կներկայացնի փոխնախագահ Ջևդեթ Յըլմազը
Քաղաքականություն
02.05.2026 | 15:55
Թուրքիայի փոխնախագահ Ջևդեթ Յըլմազը կմասնակցի Եվրոպական քաղաքական համայնքի 8-րդ գագաթնաժողովին, որը տեղի կունենա մայիսի 4-ին Երևանում․ գրում է ադրբեջանական vesti-ն։
Գագաթնաժողովում նախատեսվում է քննարկել ժողովրդավարական դիմադրողականության ամրապնդումը, փոխկապակցվածության ընդլայնումը և տնտեսական ու էներգետիկ անվտանգության ապահովումը։ Օրակարգում կլինեն նաև տարածաշրջանային և գլոբալ մարտահրավերները։
Ջևդեթ Յըլմազի այցը Երևան կլինի Թուրքիայից առաջին նմանատիպ այցը Հայաստան։
Գագաթնաժողովին հրավիրվել են ԵՄ 27 անդամ պետությունների, ինչպես նաև այլ եվրոպական երկրների և Կանադայի առաջնորդները։ Հաջորդ հանդիպումը նախատեսված է նոյեմբերին՝ Իռլանդիայում։
Նշենք, որ Երևանում կայանալիք Եվրոպական քաղաքական համայնքի 8-րդ գագաթնաժողովը կանցկացվի «Կերտելով ապագան․ միասնություն և կայունություն Եվրոպայում» կարգախոսի ներքո։
Թարգմանությունը՝ Անահիտ Խաչատրյանի
