27.07.2026 | 13:18
Պուտինը պատրաստվում է մոբիլիզացիայի, նա պատրաստ չէ դադարեցնել այս պատերազմը. Զելենսկի
Գերմանիան պատրաստվում է հնարավոր պատերազմի․ Bloomberg
Քաղաքականություն
02.05.2026 | 14:52
Bloomberg-ը հաղորդում է, որ Գերմանիան սկսում է պատրաստել իր քաղաքացիական ենթակառուցվածքները հնարավոր ռազմական սցենարի համար, չնայած Բունդեսվերի՝ ԳԴՀ Զինված ուժերի բյուջեում միջոցների պակասին։
«Գերմանիայի Բալթիկ ծովի ափին գտնվող Բրեմերհավենը, Եվրոպայի ամենամեծ նավահանգիստը, որը մասնագիտացած է տրանսպորտային միջոցների փոխադրման մեջ, արդիականացվում է։ Պետականորեն ֆինանսավորվող 1.35 միլիարդ եվրոյի ներդրումը նախատեսված է բեռնման հարթակները հզորացնելու համար, որպեսզի դրանք կարողանան ռազմական տեխնիկա տեղափոխել առաջնագիծ, օրինակ, 60 տոննա կշռող Leopard տանկը», – հաղորդում է գործակալությունը։
Ինչպես ընդգծում է Bloomberg-ը, այս նախագիծը Գերմանիայի կողմից հնարավոր պատերազմի լայնածավալ նախապատրաստությունների մի մասն է։ Գործակալությունը նշում է, որ Եվրոպայում ռազմական հակամարտության դեպքում Գերմանիան կզբաղեցնի ռազմավարական նշանակություն ունեցող դիրք՝ իր գտնվելու վայրի և արդյունաբերության շնորհիվ։
Սակայն, ինչպես հաղորդում է գործակալությունը, բանակը չունի միջոցներ նախագիծը ինքնուրույն ֆինանսավորելու համար, ինչը Գերմանիայի իշխանություններին դրդում է դիմել մասնավոր հատվածին՝ օգնության համար։ Սակայն ընկերությունների հետ համագործակցությունը խոչընդոտվում է բարդ գործընթացներով և կողմերի միջև անմիջական շփման բացակայությամբ։
Ապրիլին Գերմանիան պաշտոնապես հաստատեց իր ռազմավարությունը, այն է՝ մինչև 2039 թվականը Եվրոպայում ամենաուժեղ բանակը ստեղծելու նպատակը։
Թարգմանությունը՝ Անահիտ Խաչատրյանի
