13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Վարչապետը ներկա է գտնվել Կիրանցի Սբ Երրորդություն եկեղեցու օծման արարողությանը․ ԼՈՒՍԱՆԿԱՐՆԵՐ
02.05.2026 | 14:30
ՀՀ կառավարությունից հայտնում են, որ վարչապետ Նիկոլ Փաշինյանը ներկա է գտնվել Կիրանցի վերականգնված Սուրբ Երրորդություն եկեղեցու օծման արարողությանը։
«Տավուշի մարզի Կիրանց գյուղի Սբ. Երրորդություն եկեղեցին, որը կառուցվել է 19-րդ դարի չորրորդ քառորդում, վերականգնվել է Կառավարության որոշմամբ և հատկացված միջոցներով:
Խորհրդային տարիներին այն օգտագործվել է որպես պահեստ, մեր օրեր հասել է խիստ վթարային և խոնարհված վիճակում, առանց տանիքի: 2024 թ․ իրականացվել են 21.400.501 դրամի վերականգնման աշխատանքներ։ Մասնավորապես՝ վերացվել են նախկինում՝ նախագծից շեղմամբ կատարված աշխատանքները, պատուհանների բացվածքների բացում և փակում, կարանների ոչ համապատասխան կարանախցում և այլն։
Հիմնականում ավարտվել են մինչև կառույցի քիվատակ ընկած հատվածի բացակայող հատվածների վերականգնման, արտաքին հենապատի ու հատակների կառուցման աշխատանքները, ներսույթի ծեփամածկման, առաստաղի փայտածածկի և հատակների իրականացումը:
2025 թ. համար իրականացվել են 32.259.499 դրամի վերականգնման աշխատանքներ, 2026 թ. սկզբին եկեղեցու վերականգնումն ավարտվել է։ Իրականացվել են բարդ պրոֆիլավոր քարե շրջանակների, անկյունաքարերի, քիվերի նոր տաշ ու շարի, տանիքածածկույթի, վեցասյուն նոր ռոտոնդայի կառուցման աշխատանքներ, ներսույթի ներկման և հարդարման աշխատանքներ»,- ասված է հաղոորդագրւթյունում։
