18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Երևանի դատախազի կողմից հանձնարարվել է ստուգել Արմեն Աշոտյանի հայտարարության մեջ նշված հանգամանքները
Հասարակություն
21.11.2018 | 18:57
Երևան քաղաքի դատախազի կողմից ՀՀ ոստիկանության Երևան քաղաքի վարչությանը հանձնարարվել է ստուգել ԱԺ պատգամավոր Արմեն Աշոտյանի հայտարարության մեջ նշված հանգամանքները: Այս մասին ֆեյսբուքյան գրառմամբ տեղեկացրել է ՀՀ գլխավոր դատախազի խորհրդական Գոռ Աբրահամյանը:
«Երևան քաղաքի դատախազի կողմից ՀՀ ոստիկանության Երևան քաղաքի վարչությանը հանձնարարվել է ստուգել իր ենթաշտաբներից մեկի պետին մոտենալու և իր հետ չաշխատելու համար զգուշացնելու վերաբերյալ ԱԺ պատգամավոր Արմեն Աշոտյանի հայտարարության մեջ նշված հանգամանքները:
Ստուգողական գործողություններ կատարելու նպատակով ՀՀ ոստիկանության Երևան քաղաքի վարչություն են ուղարկվել հայտարարության վերաբերյալ ԶԼՄ հրապարակումները»,- գրել է նա:
Հիշեցնենք, որ այսօր Արմեն Աշոտյանը հայտարարել էր, որ իր ենթաշտաբների անդամներից մեկին ՀՀԿ-ի գրասենյակի մոտ մոտեցել են Նիկոլ Փաշինյանի թիմակիցները՝ հորդորելով այլևս չգալ. «Մոտենում են, օրինակ, իմ ընկերներին, որոնք, այսպես ասած, հանդգնում են գալ ՀՀԿ շտաբ, իմ շտաբ: Երևի մարդ կա դուրսը կանգնած ԱԱԾ-ից, տեսնում են՝ ով է գնում-գալիս, հետո մոտենում են, ասում են՝ բա քեզ պետք է, չես վախենո՞ւմ՝ գործից հանեն: Ի՞նչ է նշանակում՝ մոտենալ իմ ընկերոջն ու ասել, որ այլևս չգա»:
