12.12.2024 | 18:41
ԱԱԾ-ն տվյալներ է ստացել ՀՀ պետական սահմանի ապօրինի հատման հավանական փորձի վերաբերյալ
Բուռն երևակայություն է պետք՝ ասելու համար, որ կառավարությունը 100%-ով կատարել է պարտավորությունները. Արմեն Աշոտյան. ՏԵՍԱՆՅՈՒԹ
Քաղաքականություն
21.11.2018 | 16:29
Շատ բուռն երևակայություն է պետք՝ ասելու համար, որ կառավարությունը 100 տոկոսով կատարել է ժողովրդի առջև ստանձնած պարտավորությունները: Այսօր՝ նոյեմբերի 21-ին, ՀՀ Ազգային ժողովում լրագրողների հետ զրույցում ասաց ՀՀԿ խմբակցության պատգամավոր Արմեն Աշոտյանը:
«Նիկոլ Փաշինյանի երեկվա ամբողջ ասուլիսը շատ ագրեսիվ էր, ինչը նշանակում է՝ նա շատ ներվայնացած է, նեղված է, չգիտեմ՝ ինչով: Երևի երկրի սոցիալ-տնտեսական պրոբլեմների բեռն է սկսել գիտակցել»,- հավելեց Աշոտյանը:
Անդրադառնալով Նիկոլ Փաշինյանի՝ մարզեր աշխատանքային այցերին՝ Արմեն Աշոտյանը նշեց, որ վարչապետի պաշտոնակատարը մարզային այցերի ընթացքում քարոզչություն է անում. «Նիկոլ Փաշինյանը, կներեք բառիս համար, բայց շատ դիպուկ բառ է, «ափաշքյարա» խախտում է Ընտրական օրենսգիրքն առաջին իսկ օրվանից: Ավելին, սա միակ խախտումը չէ: Մոտենում են, օրինակ, իմ ընկերներին, որոնք, այսպես ասած, հանդգնում են գալ ՀՀԿ շտաբ, իմ շտաբ: Երևի մարդ կա դուրսը կանգնած ԱԱԾ-ից, տեսնում են՝ ով է գնում-գալիս, հետո մոտենում են, ասում են՝ բա քեզ պետք է, չես վախենո՞ւմ՝ գործից հանեն: Ի՞նչ է նշանակում՝ մոտենալ իմ ընկերոջն ու ասել, որ այլևս չգա»:
Մանրամասները՝ տեսանյութում:
