06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Իրանը Պակիստանին է ներկայացրել ԱՄՆ-ի հետ բանակցությունների նոր առաջարկը
Քաղաքականություն
01.05.2026 | 17:07
Իրանը հինգշաբթի Պակիստանին է ներկայացրել ԱՄՆ-ի հետ բանակցությունների իր նոր առաջարկը, գրում է France24-ը:
«Իրանի Իսլամական Հանրապետությունը հինգշաբթի երեկոյան Պակիստանին է փոխանցել իր վերջին բանակցային առաջարկի տեքստը՝ որպես ԱՄՆ-ի հետ բանակցությունների միջնորդ»,- հաղորդել է իրանական պաշտոնական IRNA լրատվական գործակալությունը՝ առանց մանրամասներ ներկայացնելու։
Առայժմ պարզ չէ, թե ինչ է ներառված նոր առաջարկի մեջ։
Պակիստանը, որն Իրանի հետ ունի 900 կիլոմետրանոց սահման, նպաստում է Վաշինգտոնի և Թեհրանի միջև լարվածության թուլացմանն ուղղված անուղղակի բանակցություններին։ Իրանը և ԱՄՆ-ն Իսլամաբադում անցկացրել են բանակցությունների մեկ փուլ՝ փետրվարի 28-ին սկսված գրեթե 40-օրյա պատերազմից հետո փխրուն հրադադարի ֆոնին։
Բանակցությունները դադարեցվել են, քանի որ ԱՄՆ-ը ռազմածովային շրջափակում է սահմանել իրանական նավահանգիստների նկատմամբ, մինչդեռ Իրանը Հորմուզի նեղուցը մեծ մասամբ փակ է պահում՝ պատերազմի սկզբից ի վեր թույլ տալով միայն մի քանի նավերի անցնել ջրային ճանապարհով։
Ուրբաթ Իրանի արտաքին գործերի նախարար Աբբաս Արաղչին հեռախոսազրույցներ է ունեցել Սաուդյան Արաբիայի, Կատարի, Թուրքիայի, Իրաքի և Ադրբեջանի գործընկերների հետ՝ քննարկելով «Իսլամական Հանրապետության կողմից պատերազմը դադարեցնելու վերջին նախաձեռնությունները», ասվում է նախարարության հայտարարության մեջ։
Թարգմանությունը՝ Էմմա Չոբանյանի
