17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
ՖԻՖԱ-ի նախագահին չի հաջողվել կազմակերպել Պաղեստինի ու Իսրայելի ներկայացուցիչների ձեռքսեղմումը․ ԼՈՒՍԱՆԿԱՐՆԵՐ
01.05.2026 | 14:19
Ֆուտբոլի միջազգային ֆեդերացիայի (ՖԻՖԱ) նախագահ Ջանի Ինֆանտինոյին չի հաջողվել կազմակերպել Պաղեստինի ու Իսրայելի ներկայացուցիչների ձեռքսեղմումը Վանկուվերում կայացած ՖԻՖԱ-ի 76-րդ կոնգրեսի ժամանակ, հաղորդում է The Athletic-ը։
Ինֆանտինոն Պաղեստինի ֆուտբոլի ասոցիացիայի ղեկավար Ջիբրիլ Ռաջուբին և Իսրայելի ֆուտբոլի ասոցիացիայի փոխնախագահ Բասիմ Շեյխ Սուլեյմանին առաջարկել էր միասին լուսանկարվել։ Սակայն պաղեստինյան կողմի ներկայացուցիչը հրաժարվել էր անել դա։ Դրանից հետո ՖԻՖԱ-ի նախագահը բարձրացել է բեմ և ելույթ ունեցել՝ հայտարարելով, որ Պաղեստինը և Իսրայելն ունեն նույն իրավունքներն ու պարտականությունները որպես ՖԻՖԱ-ի անդամներ, և կոչ է արել համագործակցել։ Այնուհետև Ինֆանտինոն մոտեցել է Պաղեստինի և Իսրայելի ներկայացուցիչներին և կրկին առաջարկել է, որ նրանք սեղմեն միմյանց ձեռքը, սակայն պաղեստինյան ներկայացուցիչը կրկին հրաժարվել է։
