02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Թրամփը հայտարարել է, թե Իրանը ցանկանում է, որ Հորմուզի նեղուցը բացվի
Քաղաքականություն
28.04.2026 | 21:42
ԱՄՆ նախագահ Դոնալդ Թրամփը հայտարարել է, թե Իրանը տեղեկացրել է Վաշինգտոնին՝ «փլուզման» վիճակում է։ Նրա պնդմամբ՝ Թեհրանը ցանկանում է, որ Հորմուզի նեղուցը բացվի, մինչև «նրանք պարզեն իրենց ղեկավարության հետ կապված իրավիճակը», գրում է CNN-ը։
«Իրանը հենց նոր մեզ տեղեկացրեց, որ «փլուզման վիճակում» են։ Նրանք ցանկանում են, որ մենք հնարավորինս շուտ բացենք Հորմուզի նեղուցը, քանի որ փորձում են պարզել իրենց ղեկավարության հետ իրավիճակը (ինչը, կարծում եմ, նրանք կկարողանան անել)»,- գրել է նա Truth Social-ում։
Ավելի վաղ ԱՄՆ նախագահն ակնարկել էր, թե քիչ հավանական է, որ ընդունի հակամարտությանը վերջ դնելու մասին Իրանի վերջին առաջարկը՝ այն բանից հետո, երբ Թեհրանն առաջարկել էր մի ծրագիր, որը նախատեսում է վերաբացել նեղուցը՝ միաժամանակ իր միջուկային ծրագրի վերաբերյալ հարցերը թողնելով հետագա բանակցություններին։
Թարգմանությունը՝ Էմմա Չոբանյանի
