28.04.2026 | 13:53
Օդի ջերմաստիճանն աստիճանաբար կբարձրանա 5-9 աստիճանով
Զապորոժիեի և Սումիի մարզերում ռուսական հարձակումների հետևանքով վիրավորներ կան
Քաղաքականություն
28.04.2026 | 12:50
Ռուսական զորքերն ապրիլի լույս 28-ի գիշերը Ուկրաինայի ուղղությամբ արձակել են 123 անօդաչու թռչող սարք, խոցվել է դրանցից 95-ը, հայտնում են Ուկրաինայի ռազմաօդային ուժերը, գրում է Current time-ը։
Զապորոժիեի տարածաշրջանային ռազմական վարչակազմի ղեկավար Իվան Ֆյոդորովի խոսքով՝ Զապորոժիեում հարձակման հետևանքով վիրավորվել է երկու տղամարդ՝ 40 և 45 տարեկան։ Երկուսի վիճակը միջին ծանրության է։
Ռուսական զինվորականները նաև կառավարվող ավիառումբեր են արձակել Սումիի մարզի Յամպոլ գյուղական համայնքի քաղաքացիական ենթակառուցվածքների ուղղությամբ: Վնասվել են մանկապարտեզ և բնակելի շենքեր: Ուկրաինայի արտակարգ իրավիճակների պետական ծառայության տվյալներով՝ չորս մարդ բժշկական օգնության է դիմել:
Չեռնիգովի մարզի Նովգորոդ-Սիվերսկի շրջանի բնակավայրերից մեկում հարձակման են ենթարկվել երկու գյուղատնտեսական ձեռնարկություններ: Հրդեհը տարածվել է հացահատիկի պահեստներում, սակայն հրդեհը մարվել է: Չեռնիգովի շրջանում բնակելի շենքեր և օժանդակ շինություններ են այրվել մասնավոր տների վրա հարվածներից հետո:
Բացի այդ, ռուս զինվորականներն անօդաչուով հարձակվել են Խարկովի մարզի Չուգուև քաղաքի վրա, հայտարարել է մարզի ռազմական վարչակազմի ղեկավար Օլեգ Սինեգուբովը։
Նախնական տեղեկությունների համաձայն՝ հարձակման հետևանքով մեկ մարդ զոհվել է, ևս մեկը վիրավորվել է։ Սինեգուբովը հետագայում պարզաբանել է, որ վիրավորը 74-ամյա տղամարդ է։
«Նա պայթյունի հետևանքով վնասվածքներ է ստացել և գտնվում է ծանր վիճակում»,- ասել է նա։
Թարգմանությունը՝ Էմմա Չոբանյանի
