27.07.2026 | 11:11
Մ-17 ԱԱ. Հայ ըմբիշները սկսում են պայքարը Բաքվում
Էնթոնի Ջոշուան ու Թայսոն Ֆյուրին մենամարտի պայմանագիր են կնքել
28.04.2026 | 11:40
Պրոֆեսիոնալ բռնցքամարտի գերծանր քաշային կարգում IBF, WBA, WBO, IBO վարկածներով աշխարհի նախկին չեմպիոն Էնթոնի Ջոշուան ու WBC, WBO, IBO, WBA Super, The Ring, IBF վարկածներով աշխարհի նախկին չեմպիոն Թայսոն Ֆյուրին կնքել են մենամարտ անցկացնելու պայմանագիր, հաղորդում է The Ring-ը։
Մենամարտը տեղի կունենա այս տարվա վերջին ու կցուցադրվի Netflix-ով։ Այն կլինի բրիտանական բռնցքամարտի պատմության ամենամասշտաբային շոուներից մեկը։
36-ամյա Ջոշուան նախորդ մենամարտն անցկացրել էր 2025թ․ դեկտեմբերի 19-ին՝ 6-րդ ռաունդում նոկաուտով հաղթելով ամերիկացի բլոգեր-բռնցքամարտիկ Ջեյք Փոլին։ Պրոֆեսիոնալ ռինգում նա ունի 29 հաղթանակ ու 4 պարտություն։
37-ամյա Թայսոն Ֆյուրին ապրիլի 11-ին էր վերադարձել ռինգ՝ մրցավարների միաձայն որոշմամբ հաղթելով ռուսաստանցի Արսլանբեկ Մախմուդովին։ Ֆյուրին անցկացրել էր 38-րդ մենամարտն ու տարել 35-րդ հաղթանակ, ունի նաև ունի 2 պարտություն ու 1 ոչ-ոքի։
