28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Փհենյանում բացվել է Ուկրաինայի դեմ ՌԴ-ի կողմից կռված հյուսիսկորեացի զինվորների հուշահամալիր
Քաղաքականություն
27.04.2026 | 13:20
Փհենյանում բացվել է հուշահամալիր և թանգարան՝ նվիրված Ուկրաինայի դեմ պատերազմում Ռուսաստանի կողմից մարտերին մասնակցած և զոհված հյուսիսկորեացի զինվորների հիշատակին։ Բացման արարողությանը մասնակցել են Հյուսիսային Կորեայի առաջնորդ Կիմ Չեն Ընը, Ռուսաստանի պաշտպանության նախարար Անդրեյ Բելոուսովը և Պետդումայի խոսնակ Վյաչեսլավ Վոլոդինը, գրում է Euronews-ը։
Հուշահամալիրի բացումը համընկել է Կուրսկի մարզի նկատմամբ լիակատար վերահսկողության վերականգնման տարեդարձի հետ՝ ըստ ռուսական կողմի։
Հարավկորեական հետախուզության և արևմտյան աղբյուրների տվյալներով՝ Հյուսիսային Կորեան 2024 թվականից ի վեր Ռուսաստան է ուղարկել շուրջ 15,000 զինծառայողի, ինչպես նաև զենք և զինամթերք՝ Ուկրաինայի դեմ պատերազմում օգնելու համար։ Մոսկվայի և Փհենյանի պաշտոնական տարբերակի համաձայն՝ հյուսիսկորեական զորքերը գործել են միայն Ռուսաստանի Կուրսկի շրջանում և չեն մասնակցել Ուկրաինայի օկուպացված տարածքներում մարտական գործողություններին։
Հյուսիսային Կորեայի պաշտոնյաների տվյալներով՝ մարտերում զոհվել է 101 հյուսիսկորեացի զինվոր։ Հարավային Կորեան, հղում անելով հետախուզական տվյալներին, գնահատում է, որ զոհված և վիրավորված հյուսիսկորեացի զինվորների թիվը մոտավորապես 6000 է, որոնցից զոհերի թիվը՝ ավելի քան 2000։
Թարգմանությունը՝ Էմմա Չոբանյանի
