10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Մենք պետք է ապահովենք Իրանի ժողովրդի իրավունքները բանակցություններում. Արաղչի
Քաղաքականություն
27.04.2026 | 12:37
Այսօրվա հանդիպումը հարմար հնարավորություն է՝ քննարկելու պատերազմի զարգացումները և վերանայելու վերջին իրավիճակը, և ես վստահ եմ, որ երկու երկրների միջև այս խորհրդակցություններն ու համակարգումը հատկապես կարևոր կլինեն: Այս մասին հայտարարել է Իրանի ԱԳ նախարար Աբբաս Արաղչին Սանկտ Պետերբուրգի «Պուլկովո» միջազգային օդանավակայան ժամանելուն պես, հաղորդում է Pars Today-ը։
Արաղչին Պետերբուրգ է մեկնել՝ ՌԴ նախագահ Վլադիմիր Պուտինի հետ բանակցությունների։
Վերջին երեք օրերի ընթացքում Իրանի ԱԳ նախարարը նաև Պակիստանում և Օմանում է եղել։
«Հաշվի առնելով, որ Պակիստանը ներգրավված է Իրանի և Միացյալ Նահանգների միջև բանակցություններում միջնորդության կարևոր գործում, անհրաժեշտ էր վերանայել վերջին իրավիճակն այդ երկրի պաշտոնյաների հետ հանդիպումների ժամանակ։ Չնայած նախորդ բանակցություններում գրանցված առաջընթացին, դրանք չհասան իրենց նպատակներին՝ ամերիկացիների մոտեցման, նրանց կողմից ներկայացված չափազանց մեծ պահանջների և ընդունված սխալ դիրքորոշումների պատճառով: Հետևաբար, անհրաժեշտ էր խորհրդակցություններ անցկացնել Պակիստանում գտնվող մեր ընկերների հետ՝ վերջին իրավիճակը գնահատելու համար»,- ասել է Աբբաս Արաղչին։
Նա նշել է, որ «Իսլամաբադում տեղի են ունեցել օգտակար խորհրդակցություններ, վերանայել են, թե ինչ է տեղի ունեցել մինչ այժմ և ինչ պայմաններում կարող են շարունակվել բանակցությունները»։
«Իրանի դիրքորոշումը բանակցություններում մեծ նշանակություն ունի: Մենք պետք է ապահովենք Իրանի ժողովրդի իրավունքները 40-օրյա դիմադրությունից հետո և ապահովենք երկրի շահերը: Հորմուզի նեղուցի վերաբերյալ իրանցի և օմանցի փորձագետների միջև խորհրդակցությունները կշարունակվեն»,- նշել է նա:
Թարգմանությունը՝ Էմմա Չոբանյանի
