26.04.2026 | 16:24
Մոտենում է հերթական ցիկլոնը, այն ՀՀ կներթափանցի այսօր ուշ երեկոյան․ Գագիկ Սուրենյան
Կոլումբիայում ապստամբները պայթյուն են իրականացրել Պանամերիկյան մայրուղու վրա․ 14 մարդ է զոհվել
Քաղաքականություն
26.04.2026 | 12:04
Կոլումբիայում Պանամերիկյան մայրուղու վրա իրականացված ահաբեկչության հետևանքով զոհվել է 14 մարդ, հայտնում է BBC-ն։
Պայթյունը տեղի է ունեցել երկրի հարավ-արևմուտքում գտնվող Կաուկա դեպարտամենտում․ ռումբը գործի է դրվել այն պահին, երբ մայրուղով անցնում էր ավտոբուսը։ Բացի 14 զոհերից, առնվազն ևս 38 մարդ վիրավորվել է։
Կոլումբիայի նախագահ Գուստավո Պետրոն հարձակման մեջ մեղադրել է «Խայմե Մարտինես» խմբավորման ձախակողմյան ապստամբներին։
«Խայմե Մարտինես»-ը կազմված է նախկին մարտիկներից, որոնք պատկանել են FARC ձախակողմյան կազմակերպությանը, որը ավելի քան 50 տարի զինված պայքար էր մղում իշխանությունների դեմ։ 2016 թվականին FARC-ը համաձայնել է վայր դնել զենքերը և վերածվել օրինական քաղաքական շարժման, սակայն դրա որոշ անդամներ հրաժարվել են զինաթափվել և շարունակել են գործունեությունը նոր փոքրաթիվ խմբավորումների կազմում։
Կոլումբիայում մայիսի 31-ին նախատեսված են նախագահական ընտրություններ, և այդ ֆոնին արմատական խմբավորումները զգալիորեն ակտիվացրել են իրենց հարձակումները։
