27.04.2026 | 14:40
Հանրապետության հրապարակում «Գորշ գայլերի» նշանը ցույց տվող օգտատիրոջ լուսանկարը հին է
Ազատ ոճի ըմբշամարտի Հայաստանի հավաքականը երրորդն է ԵԱ-ի թիմային հաշվարկում
27.04.2026 | 12:28
Ազատ ոճի ըմբշամարտի Հայաստանի հավաքականը երրորդ տեղն է գրավել Ալբանիայի մայրաքաղաք Տիրանայում կայացած Եվրոպայի առաջնության թիմային հաշվարկում։
Հայաստանի հավաքականը ԵԱ-ի մասնակցել էր 8 ըմբիշով ու նվաճել երեք բրոնզե մեդալ։ Բրոնզե մեդալակիր էին դարձել Մանվել Խնձրցյանը (57 կգ), Արսեն Հարությունյանը (61 կգ) և Վազգեն Թևանյանը (65 կգ)։
Հիշեցնենք, որ հունահռոմեական ոճի ըմբշամարտի Հայաստանի հավաքականը Եվրոպայի առաջնությանը մասնակցել էր 10 ըմբիշով և նվաճել 1 ոսկե, 1 արծաթե ու 3 բրոնզե մեդալ՝ թիմային հաշվարկում գրավելով չորրորդ տեղը։ Մալխաս Ամոյանը (77 կգ) 5-րդ տարին անընդմեջ դարձել էր Եվրոպայի չեմպիոն, մեծահասակների պայքարում նորամուտը նշած Սուրեն Աղաջանյանն (60 կգ) արժանացել էր արծաթե մեդալի, իսկ Կարեն Ասլանյանը (63 կգ), Սլավիկ Գալստյանը (67 կգ) և Գասպար Տերտերյանը (72 կգ) դարձել էին բրոնզե մեդալակիր։
