06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Պետք է լինի խաղաղություն, բայց ոչ սեփական պատմության ուրացմամբ. Թանդիլյան․ ՏԵՍԱՆՅՈՒԹ
Քաղաքականություն
24.04.2026 | 14:38
«Պետք է լինի խաղաղություն, բայց ոչ սեփական պատմության ուրացմամբ»,- այս մասին Հայոց ցեղասպանության զոհերի հիշատակի օրը Ծիծեռնակաբերդի հուշահամալիրում ասաց «Ապրելու երկիր» կուսակցության համահիմնադիր Մանե Թանդիլյանը։
«Գերմանիան ինչպե՞ս է վարվել. չի ուրացել իր պատմությունը, իր արարքները և ընդունել է։ Հետամուտ լինել չի նշանակում տարածքային պահանջներ ներկայացնել։ Ընդ որում, ես չեմ ասում առաջնահերթ հետամուտ լինել. այո՛, մեր պետությունը անելիք ունի բազմաթիվ՝ մինչև որևէ այլ հարցի անդրադառնալը։ Բայց ստիպել սեփական ժողովրդին մոռանալ պատմությունը՝ այ դա է, որ ուրանում և դավաճանում են մեր ազգին», – ասաց Թանդիլյանը։
Անդրադառնալով վարչապետի այն մտքին, թե «կորուսյալ հայրենիքի» մասին խոսույթը վտանգում է ներկայիս պետականությունը, Թանդիլյանը նշել է, որ պատմական հիշողությունը չպետք է նույնականացնել տարածքային պահանջների հետ։ Նրա խոսքով՝ Հայաստանի Հանրապետությունը պարտավոր է պաշտպանել հայ ժողովրդի արժանապատվությունն ու պատմությունը, իսկ այն, ինչ անում է այսօրվա իշխանությունը հարված է հայկական ինքնությանը։
Մանրամասները՝ տեսանյութում։
