03.07.2026 | 09:08
ԱԱ-2026. Շվեյցարիան դուրս եկավ 1/8 եզրափակիչ. ՏԵՍԱՆՅՈՒԹ
Հայաստանի քաղավիացիայի կոմիտեի նախագահը կմեկնի Ֆրանսիա, Բելգիա և Դանիա
Քաղաքականություն
20.11.2018 | 21:00
ՀՀ տրանսպորտի, կապի և տեղեկատվական տեխնոլոգիաների նախարարության քաղաքացիական ավիացիայի կոմիտեի նախագահ Տաթևիկ Ռևազյանն աշխատանքային այց կկատարի Ֆրանսիա, Բելգիա և Դանիա: Այդ մասին որոշումը ստորագրել է վարչապետի պաշտոնակատար Նիկոլ Փաշինյանը:
Ռևազյանը նոյեմբերի 27-28-ը Փարիզում կմասնակցի Քաղաքացիական ավիացիայի միջազգային կազմակերպության աերոնավիգացիոն պլանավորման խմբի 60-րդ հանդիպմանը: Նոյեմբերի 28-30-ը Բրյուսելում Ռևազյանը ներկա կգտնվի Եվրոպայի աերոնավիգացիոն անվտանգության կազմակերպության բարձրագույն խորհրդի 50-րդ նիստին, իսկ նոյեմբերի 30-ից մինչև դեկտեմբերի 3-ը Կոպենհագենում կմասնակցի Դանիայի Թագավորության քաղաքացիական ավիացիայի ոլորտի կոմերցիոն ներկայացուցիչների հետ աշխատանքային քննարկումներին:
Դեկտեմբերի 3-6-ը Փարիզում նա կմասնակցի Քաղաքացիական ավիացիայի եվրոպական կոնֆերանսի մասնակից պետությունների քաղաքացիական ավիացիայի իշխանությունների գլխավոր տնօրենների 151-րդ հանդիպմանը և «Ավիացիայի զարգացման պահպանումը» խորագրով 11-րդ համաժողովին:
