06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Արբանյակային պատկերները փաստում են, որ Ստեփանակերտի հայկական եկեղեցիներն Ադրբեջանը քանդում է․ ՏԵՍԱՆՅՈՒԹ
22.04.2026 | 15:43
Հայկական Artsakh Tourism & Culture Development Agency ՀԿ-ն հայտնել է Ադրբեջանի իշխանությունների կողմից Լեռնային Ղարաբաղում՝ Ստեփանակերտի Սուրբ Աստվածամոր Հովանու Մայր տաճարի քանդման մասին։ Այս մասին ասվում է Current time-ի անդրադարձում։
«Սա պարզապես եկեղեցու քանդում չէ։ Սա նույն քաղաքականության շարունակությունն է, որը հանգեցրեց մեկ դար առաջ տեղի ունեցած Հայոց ցեղասպանությանը։ Այսօր սա դրսևորվում է նոր ձևերով՝ որպես մշակութային ցեղասպանություն և ոչնչացման պլանավորված գործընթաց։ Ոչ միայն շենքեր են ոչնչացվում, այլև ժողովրդի ինքնությունը, նրանց անցյալը և ապագայի իրավունքը»,- ասվում է հայտարարության մեջ։
Կազմակերպությունը կոչ է արել Հայաստանի իշխանություններին հրապարակավ դատապարտել իրադարձությունները և բարձրացնել այս հարցը միջազգային հարթակներում։
Տաճարը հիմնադրվել է 2006 թվականին և օծվել 2019 թվականին։
Ապրիլի սկզբին հայկական մոնիթորինգային խումբը հայտնել էր մեկ այլ՝ Սուրբ Հակոբ եկեղեցու քանդման մասին։ Այն կառուցվել է 2007 թվականին։
«Ազատություն» ռադիոկայանի կողմից վերլուծված արբանյակային պատկերները հաստատում են եկեղեցիների քանդումը այս տարվա մարտի 3-ից ապրիլի 2-ը ընկած ժամանակահատվածում։
Ադրբեջանի իշխանությունները որևէ մեկնաբանություն չեն տվել եկեղեցիների քանդման վերաբերյալ։
Թարգմանությունը՝ Էմմա Չոբանյանի
