28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Ծանրորդ Գոռ Սահակյանը երկրորդ տարին անընդմեջ դարձավ Եվրոպայի փոխչեմպիոն
21.04.2026 | 20:42
Հայաստանի ներկայացուցիչ Գոռ Սահակյանը (71 կգ) դարձավ Վրաստանի Բաթումի քաղաքում ընթացող ծանրամարտի Եվրոպայի առաջնության փոխչեմպիոն։
22-ամյա ծանրորդը երկամարտում գրանցեց 330 կգ (150+180) արդյունք ու 2 կգ զիջեց թուրք Յուսուֆ Գենչին, որը պաշտպանեց Եվրոպայի չեմպիոնի կոչումը։
Սահակյանը ոսկե մեդալ նվաճեց պոկում վարժությունում, իսկ հրում վարժությունում երրորդն էր։
Գոռ Սահակյանը Եվրոպայի փոխչեմպիոն դարձել էր նաև անցյալ տարի, իսկ 2023 ու 2024 թվականներին նվաճել է չեմպիոնի կոչումը։ Նա նաև 2023թ․ աշխարհի առաջնության բրոնզե մեդալակիր է։
2026թ․ Եվրոպայի առաջնությունում Հայաստանը երկամարտում մեդալների թիվը հասցրեց 3-ի։ Ավելի վաղ Եվրոպայի փոխչեմպիոն էին դարձել նաև Ալեքսանդրա Գրիգորյանը (58 կգ) և Գառնիկ Չոլաքյանը (60 կգ)։
Հայաստանի հավաքականը ԵԱ-ին մասնակցում է 16 ծանրորդով՝ 8-ական տղամարդկանց ու կանանց պայքարում։
