21.09.2026 | 23:16
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Եվրոպան ցանկանում է արդյունավետ կապեր Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով
Քաղաքականություն
21.04.2026 | 17:54
Եվրամիությունը նախատեսում է ակտիվացնել համագործակցությունն Ադրբեջանի, Հայաստանի և Թուրքիայի հետ՝ Սև ծովի և Կենտրոնական Ասիայի հետ տրանսպորտային ու էներգետիկ կապի զարգացման նոր ռազմավարության շրջանակում։ Այս մասին հայտարարել է եվրահանձնակատար Մարթա Կոսը ԵՄ արտաքին գործերի խորհրդի նիստից առաջ։
«Այսօր մենք տեսնում ենք, թե որքան հիմնավոր է Եվրահանձնաժողովի Սևծովյան ռազմավարությունը։ Կապն այս ռազմավարության բաղադրիչներից մեկն է։ Սրա շրջանակում մենք ավելի լավ ենք կապում Եվրոպան Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով»,- նշել է նա։
Կոսն ընդգծել է, որ առևտուրն ու էներգետիկան կապի հիմնական ոլորտներն են։
«Հյուսիսում առևտրային ճանապարհները փակ են Ռուսաստանի պատճառով, իսկ հարավային ճանապարհները կասեցվել են Իրանի հետ պատերազմի պատճառով»,- նշում է Կոսը։
ԱԳ նախարարների հանդիպումից հետո նա հայտարարել է, որ քննարկել են նաև ԵՄ-ի հարաբերությունները Հարավային Կովկասի երկրների հետ։
Թարգմանությունը՝ Էմմա Չոբանյանի
