02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Իրանը մահապատժի է ենթարկել մի տղամարդու՝ Իսրայելի հետախուզության հետ ենթադրյալ կապերի համար
Քաղաքականություն
21.04.2026 | 16:12
Իսրայելի հետախուզական ծառայության հետ կապված ցանց ղեկավարելու և հունվարին բողոքի ցույցերի ժամանակ Թեհրանի մզկիթ հրկիզելու մեջ մեղադրվող տղամարդը մահապատժի է ենթարկվել։ Այս մասին հաղորդում է Իրանի դատական համակարգի «Միզան» լրատվականը։
«Ամիր Ալի Միրջաֆարին՝ թշնամու հետ համագործակցող զինված տարրերից մեկը, որը փորձել էր հրկիզել «Ղոլհակ» մեծ մզկիթը և ղեկավարում էր «Մոսադ» ցանցի հակաանվտանգության գործողություններն այդ տարածքում, այսօր առավոտյան կախաղան է բարձրացվել»,- ասվում է հաղորդագրությունում։
Այս տարվա սկզբին Իրանը ցնցվել էր համազգային հակակառավարական բողոքի ցույցերով, որոնք ճնշվեցին Իսլամական Հանրապետության պատմության մեջ ամենախիստ միջոցով։
Թարգմանությունը՝ Էմմա Չոբանյանի
