21.05.2026 | 20:28
«Վերջին զանգի» միջոցառումներով պայմանավորված՝ Ոստիկանությունը ուժեղացված ծառայություն կիրականացնի
Մագյարը կդադարեցնի ՄՔԴ-ից Հունգարիայի դուրս գալու գործընթացը և կկատարի Նեթանյահուին կալանավորելու օրդերը
Քաղաքականություն
21.04.2026 | 15:37
Հունգարիայի խորհրդարանական ընտրություններում հաղթանակած Պետեր Մագյարը հայտարարել է, որ իր գլխավորությամբ նոր կառավարությունը «հաստատակամորեն հանձնառու է» դադարեցնել Վիկտոր Օրբանի կողմից նախաձեռնված՝ Միջազգային քրեական դատարանից (ՄՔԴ) դուրս գալու գործընթացը և ապահովել Հունգարիայի շարունակական անդամակցությունը կազմակերպությանը, գրում է DW-ի ռուսական ծառայությունը։
Հարցին՝ ի՞նչ արձագանք է ստանցվել Իսրայելի վարչապետ Բենիամին Նեթանյահուին նախկինում իր ուղարկած հրավերին, Մագյարը պատասխանել է. «Եթե երկիրը ՄՔԴ անդամ է, և հետախուզվող անձը մտնում է նրա տարածք, նա պետք է ձերբակալվի»։
Նրա խոսքով՝ Նեթանյահուին «հստակորեն փոխանցել է» Հունգարիայի՝ դատարանին անդամակցությունը չդադարեցնելու մտադրությունը, «ոչինչ չի թաքցրել»։
Հունգարիայում Իսրայելի դեսպան Մայա Կադոշը նախկինում հաստատել էր Նեթանյահուին ուղղված հրավերը. նրա խոսքով՝ երկու առաջնորդները «ջերմ զրույց» են ունեցել, և Իսրայելի վարչապետն ընդունել է հրավերը։ Մագյարը բացատրել է, որ 1956 թվականի հեղափոխության 70-ամյակին հրավիրել է «բոլոր պետական առաջնորդներին», որոնց հետ խոսել է ընտրություններում հաղթանակից հետո։
2024 թվականի նոյեմբերին Միջազգային քրեական դատարանը Բենիամին Նեթանյահուի և այն ժամանակվա Իսրայելի պաշտպանության նախարար Յոավ Գալանտի կալանքի օրդեր էր տվել՝ նրանց մեղադրելով Գազայի հատվածում ռազմական հանցագործությունների մեջ։ Օրբանը պատասխանել էր՝ Նեթանյահուին հրավիրելով Հունգարիա և խոստանալով, որ նա չի ձերբակալվի։ Իսրայելի վարչապետն ընդունել էր հրավերը 2025 թվականի ապրիլին։ Նույն ամսին Օրբանի գրասենյակը հայտարարել էր ՄՔԴ-ից Հունգարիայի դուրս գալու գործընթացի մեկնարկի մասին, իսկ հունիսին Բուդապեշտը պաշտոնական ծանուցում էր ներկայացրել ՄԱԿ-ի գլխավոր քարտուղարին։
Ապրիլի 12-ին Պետեր Մագյարի գլխավորած «Տիսա» ընդդիմադիր կուսակցությունը հաղթեց Հունգարիայի խորհրդարանական ընտրություններում՝ ապահովելով սահմանադրական մեծամասնություն։ Մագյարը կփոխարինի Վիկտոր Օրբանին վարչապետի պաշտոնում, որը նա զբաղեցրել է 16 տարի։
Թարգմանությունը՝ Էմմա Չոբանյանի
