21.04.2026 | 14:05
Ռուսաստանի հավաքականում խաղացած ֆուտբոլիստը կհամալրի Հայաստանի հավաքականը
Արման Ծառուկյանը մտադիր է ինքնաթիռ գնել
21.04.2026 | 13:05
UFC-ի թեթև քաշային կարգի դասակարգման երկրորդ համար Արման Ծառուկյանը հայտնել է, որ մտադիր է ինքնաթիռ գնել իր 30-րդ տարեդարձի առթիվ։
«Պետք է գնել ինքնաթիռ։ Արդյո՞ք դա իմ նպատակն է։ Կարծում եմ՝ ամռան վերջին կգնեմ։ Երևի՝ օգոստոսին, եթե հունիսին կամ հուլիսին նվաճեմ UFC-ի տիտղոսը։ Կամ հնարավոր է դա անեմ ծննդյանս օրը՝ հոկտեմբերի 11-ին։ Երբ 20 տարեկան էի, ցանկանում էի 30-ամյակիս գնել Rolls-Royce Cullian մեքենա։ Հիմա նպատակս ինքնաթիռ գնելն է։ ԱՄՆ-ում ամեն բան հնարավոր է»,- ասել է Արման Ծառուկյանը Ադամ Զուբայրաևի յութուբյան ալիքում։
Հիշեցնենք, որ վերջերս 29-ամյա Ծառուկյանը գնել էր 1 միլիոն դոլար արժողությամբ Rolls-Royce Mansory ավտոմեքենա։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։ UFC-ում նա նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։
