27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ուկրաինական Սումիում ԱԹՍ-ների հարվածի հետևանքով 15 մարդ է վիրավորվել, Սլավյանսկում՝ 3
Քաղաքականություն
21.04.2026 | 12:40
Ռուսական անօդաչու թռչող սարքերը գիշերը հարձակվել են Ուկրաինայի Սումի քաղաքի վրա։ 15 մարդ վիրավորվել է, այդ թվում՝ 13, 15 և 17 տարեկան երեք աղջիկ։ Նրանք հոսպիտալացվել են։ Այս մասին Telegram-ում հայտնել է Սումիի մարզային վարչակազմի ղեկավար Օլեգ Գրիգորովը։ Նա հավելել է, որ վիրավորների մեծ մասը տարեցներ են, փոխանցում է Current time-ը։
Քաղաքի ռազմական վարչակազմի ղեկավար Սերգեյ Կրիվոշեենկոյի խոսքով՝ վնասվել են քաղաքի Զարեչնի շրջանի բարձրահարկ շենքերը, ենթակառուցվածքները և տրանսպորտային միջոցները։
Ռուսաստանի բանակը նաև մի քանի ավիահարվածներ է հասցրել Դոնեցկի մարզի Սլավյանսկին, հայտնում է տեղական ռազմական վարչակազմի ղեկավար Վադիմ Լյախը։ Նա հայտնել է, որ երեք մարդ վիրավորվել է, ուսումնական հաստատություն է ոչնչացվել։
Դնեպրոպետրովսկի մարզում կրակոցների հետևանքով չորս մարդ վիրավորվել է, հայտնում է տարածաշրջանի ռազմական վարչակազմի ղեկավար Ալեքսանդր Գանժան։ Նրա տեղեկացմամբ՝ ռուսական բանակը տարածաշրջանի բնակեցված տարածքներին հարվածել է անօդաչու թռչող սարքերով, հրետանով և ավիառումբով։
Ուկրաինայի ռազմաօդային ուժերի համաձայն՝ ապրիլի լույս 21-ի գիշերը Ուկրաինան հարձակման է ենթարկվել երկու ռուսական «Իսկանդեր» բալիստիկ հրթիռներով և 143 անօդաչու թռչող սարքերով։ 116 անօդաչու է խոցվել։
Ռուսաստանի Պաշտպանության նախարարությունը դեռևս չի մեկնաբանել հարձակումը։
Թարգմանությունը՝ Էմմա Չոբանյանի
