21.04.2026 | 15:46
Պետությանը պատճառված 326 մլն դրամի վնասը վերականգնվել է․ ՔԿ
Թրամփը հայտարարել է, որ Իրանից ուրանի դուրսբերումը «երկար և դժվար գործընթաց կլինի»
Քաղաքականություն
21.04.2026 | 13:13
ԱՄՆ նախագահ Դոնալդ Թրամփը երկուշաբթի ուշ երեկոյան հայտարարել է, որ Իրանից ուրանի ստացումը «երկար» և «դժվար» կլինի՝ անցյալ տարի Թեհրանի միջուկային օբյեկտներին ԱՄՆ-ի կողմից հարվածներից հետո։
««Կեսգիշերային մուրճ» գործողությունն Իրանի միջուկային փոշու օբյեկտների լիակատար և ամբողջական ոչնչացումն էր։ Հետևաբար, դրա դուրսբերումը երկար և դժվար գործընթաց կլինի»,- գրել է Թրամփը իր Truth Social հարթակում։
ԱՄՆ առաջնորդը պարբերաբար օգտագործում է «միջուկային փոշի» տերմինը՝ նկատի ունենալով Իրանի հարստացված ուրանի պաշարները։ Ըստ Միացյալ Նահանգների՝ Իրանն այն կուտակում է ատոմային ռումբ պատրաստելու համար։
Այս մեկնաբանությունները հնչում են այն ժամանակ, երբ շարունակվում են Վաշինգտոնի և Թեհրանի միջև Պակիստանում հնարավոր բարձր մակարդակի բանակցությունների նախապատրաստական աշխատանքները։ Թրամփը հայտարարել էր, որ ԱՄՆ ներկայացուցիչները կմեկնեն Իսլամաբադ՝ բանակցությունների համար, չնայած Իրանը պաշտոնապես չի հաստատել իր մասնակցությունը և կոչ է արել վերացնել ԱՄՆ-ի կողմից Հորմուզի նեղուցի շրջափակումը։
Թարգմանությունը՝ Էմմա Չոբանյանի
