09.08.2026 | 18:10
Արարատի մարզի քրեական և Վեդիի համայնքային ոստիկանները դանակահարության դեպք են բացահայտել
Էրդողանն ու Պուտինը մասնակցել են «Թուրքական հոսք» գազատարի ստորջրյա հատվածի բացմանը
Քաղաքականություն
20.11.2018 | 16:11
Ստամբուլում Թուրքիայի նախագահ Ռեջեփ Թայիփ Էրդողանը և Ռուսաստանի նախագահ Վլադիմիր Պուտինը մասնակցել են «Թուրքական հոսք» գազատարի ստորջրյա հատվածի կառուցման աշխատանքների ավարտն ազդարարող արարողությանը։ Այնուհետև նախագահները ելույթ են ունեցել. փոխանցում է ermenihaber-ը:
Էրդողանը նշել է, որ գազատարը ոչ միայն Թուրքիային, այլև հարևան երկրներին և տարածաշրջանին է առավելություն տալու: Նա հույս է հայտնել, որ 2019թ. փորձարկումներից հետո, գազատարը շահագործման կհանձնվի:
Անդրադառնալով Ռուսաստանի հետ հարաբերություններին՝ Էրդողանը հայտնել է, որ նպատակ ունեն Ռուսաստանի հետ առևտրաշրջանառության ծավալը հասցնել 100 մլրդ դոլարի: Էրդողանի խոսքերով՝ Ռուսաստանի հետ հարաբերությունների շրջանակը երբեք չեն կառուցել 3-րդ պետության պահանջների հիման վրա:
Պուտինն էլ նշել է, որ գազատարը Թուրքիային բնական գազի կարևոր հանգույց կդարձնի և կշիռ կբերի Թուրքիայի հեղինակությանը: Ռուսաստանի նախագահը նշել է, որ առանց փոխվստահության հնարավոր չէր լինին նման նախագիծն իրագործել։
Արարողությունից հետո Էրդողանն և Պուտինն ավելի քան 1 ժամ տևողությամբ դռնփակ առանձնազրույց են ունեցել։
