29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
«Հայաստան» դաշինքի պատգամավորի մանդատը տրվել է Գագիկ Համբարձումյանին
Քաղաքականություն
09.04.2026 | 22:21
ՀՀ Կենտրոնական ընտրական հանձնաժողովը որոշում է կայացրել «Հայաստան» դաշինքի ընտրական ցուցակից ընտրված և լիազորությունները վաղաժամկետ դադարած պատգամավորի մանդատը տրամադրել նույն ցուցակի հաջորդ թեկնածու Գագիկ Համբարձումյանին։ Այս մասին հայտնում են ԿԸՀ-ից։
Հանձնաժողովը համապատասխան արձանագրությունը ստացել է ՀՀ Ազգային ժողովի նախագահի կողմից՝ պատգամավոր Թադևոս Ավետիսյանի լիազորությունների դադարեցման վերաբերյալ։
ԿԸՀ արտահերթ նիստում քննարկվել են նաև այլ հարցեր։
Մասնավորապես, որոշում է կայացվել 2026 թվականի հունիսի 7-ին կայանալիք Ազգային ժողովի ընտրություններին դիտորդական առաքելություն իրականացնելու նպատակով հրավեր ուղարկել Միջազգային Հանրապետական Ինստիտուտին (IRI)։
Բացի այդ, հանձնաժողովը բավարարել է «Հայ առաջադեմ երիտասարդություն» հասարակական կազմակերպության դիմումը՝ ընտրություններին դիտորդական առաքելություն իրականացնելու նպատակով դիտորդներ հավատարմագրելու վերաբերյալ։
Հիշեցնենք՝ Թադևոս Ավետիսյանը մարտի 26-ին ընտրվել էր Մրցակցության և սպառողների շահերի պաշտպանության հանձնաժողովի անդամ։ Նույն օրը Ազգային ժողովի պատգամավոր Թադևոս Ավետիսյանը հրաժարականի դիմում էր ներկայացրել:
