18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Ադրբեջանի նախագահը Բելառուսում է. քննարկվելու են նաև ռազմատեխնիկական համագործակցության հարցեր
Քաղաքականություն
19.11.2018 | 11:36
Ադրբեջանի նախագահը պաշտոնական այցով Բելառուսում է: Այսօր Իլհամ Ալիևը Մինսկի Անկախության պալատում կբանակցի Բելառուսի նախագահ Ալեքսանդր Լուկաշենկոյի հետ:
ԲԵԼՏԱ-ի փոխանցմամբ՝ ակնկալվում է, որ երկու պետությունների ղեկավարները կքննարկեն Բելառուսի և Ադրբեջանի հարաբերությունների զարգացման հեռանկարները, կարծիքներ կփոխանակեն միջազգային արդիական խնդիրների շուրջ: Բանակցությունների հիմնական թեման առևտրատնտեսական և ներդրումային համագործակցության, համատեղ ծրագրերի իրականացման հարցերն են: Նեղ և ընդլայնված կազմերով հանդիպումներից հետո մի շարք փաստաթղթեր կստորագրվեն:
Բելառուսական մամուլը, միաժամանակ, գրում է, որ ստորագրվող փաստաթղթերը կվերաբերեն նաև ռազմատեխնիկական համագործակցության ընդլայմանը:
Նշենք, որ վերջերս Ալեքսանդր Լուկաշենկոն Մինսկում Ադրբեջանի դեսպանի հետ խոսել էր ՀԱՊԿ գլխավոր քարտուղարի նշանակման շուրջ ստեղծված իրավիճակի մասին, ինչը բազմաթիվ փորձագետներ «ոչ կոռեկտ» գնահատեցին՝ հաշվի առնելով, որ Ադրբեջանը կազմակերպության անդամ չէ:
Բավական կոշտ էր արձագանքել նաև ՀՀ վարչապետի պաշտոնակատար Նիկոլ Փաշինյանը՝ հայտարարելով, որ բացատրություն է պահանջելու բելառուս գործընկերոջից:
