21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Հռոմի պապը կոչ է արել Իսրայելի նախագահին դադարեցնել Իրանի հետ պատերազմը
Քաղաքականություն
03.04.2026 | 22:40
Հռոմի պապ Լևոն XIV-ը և Իսրայելի նախագահ Իսահակ Հերցոգը հեռախոսազրույց են ունեցել։
Վատիկանը հայտնում է, որ հեռախոսազրույցի ընթացքում պապը կոչ է արել Հերցոգին «վերաբացել երկխոսության բոլոր ուղիները»՝ փետրվարի 28-ին ԱՄՆ-Իսրայելի համատեղ հարձակումով սկսված Իրանի դեմ պատերազմն ավարտելու համար։
Վատիկանը հավելում է, որ Հռոմի պապը, որը հանդես է եկել որպես տարածաշրջանային հակամարտության սուր քննադատ, նաև կոչ է արել Հերցոգին պաշտպանել քաղաքացիական բնակչությանը և խթանել միջազգային և մարդասիրական իրավունքի նկատմամբ հարգանքը։
Հեռախոսազրույցի իր սեփական մեկնաբանության մեջ Հերցոգի գրասենյակը նշում է, որ երկու կողմերը քննարկել են Երուսաղեմի վրա Իրանի կողմից վերջերս իրականացված հրթիռային հարձակումները, «որոնք տեղի են ունեցել քրիստոնյաների, մուսուլմանների և հրեաների համար սրբազան վայրերի տարածքում»։
Երկու կողմերը քննարկել են նաև Լիբանանում ստեղծված իրավիճակը, որտեղ Իսրայելը պայքարում է «Հըզբոլլահ» խմբավորման դեմ՝ վերջինիս Իրանի հետ հակամարտությանը միանալուց հետո՝ ընդգծելով սահմանի երկու կողմերում գտնվող քրիստոնեական համայնքների անվտանգության և պաշտպանության կարևորությունը, հայտնում է Հերցոգի գրասենյակը։
Թարգմանությունը՝ Էմմա Չոբանյանի
