22.05.2026 | 16:06
Ուկրաինան կարող է ԵՄ անդամ դառնալ՝ մինչև Ռուսաստանի հետ հակամարտության կարգավորումը
«Անդրանիկը» նվաճեց Հայաստանի գավաթի կիսաեզրափակիչի ուղեգիր․ ՏԵՍԱՆՅՈՒԹ
02.04.2026 | 18:02
Հայաստանի Առաջին խմբում հանդես եկող «Անդրանիկը» նվաճեց ֆուտբոլի Հայաստանի գավաթի խաղարկության կիսաեզրափակիչի ուղեգիր։
Քառորդ եզրափակիչի պատասխան խաղում «Անդրանիկը» 5։2 հաշվով տնային հաղթանակ տարավ Առաջին խմբի մեկ այլ ներկայացուցիչ «Սյունիքի» նկատմամբ։ Առաջին մրցավեճում գրանցվել էր գոլազուրկ ոչ-ոքի։
Դաշտի տերերի կազմում դուբլի հեղինակ դարձավ Օնորի Ջասթինը, մեկական գոլ խփեցին Միքայել Նդիդին, Էրիկ Պետրոսյանը և Վաչե Հակոբյանը։ Հյուրերի կազմում աչքի ընկան Պետրոս Աֆաջանյանը և Արմեն Հովհաննիսյանը։
Ավելի վաղ կիսաեզրափակիչի ուղեգիր էին նվաճել նաև «Ուրարտուն» ու Հայաստանի գործող գավաթակիր «Նոան»։ Քառորդ եզրափակիչի վերջին դիմակայությունում Գյումրիի «Շիրակը» կընդունի Երևանի «Արարատ-Արմենիային», որին առաջին խաղում պարտվել է 0։1 հաշվով։
Լուսանկարը` «Անդրանիկի» մամուլի ծառայություն։
