02.04.2026 | 09:46
Փլուզում Երևանի Չարենցի փողոցում. տուժածներ չկան
«Պատիվ ունեմ» խմբակցությունը խորհրդարանական լսումներ է հրավիրել
Քաղաքականություն
01.04.2026 | 11:39
ՀՀ Ազգային ժողովից հայտնում են, որ ԱԺ «Պատիվ ունեմ» խմբակցության նախաձեռնությամբ ապրիլի 2-ին՝ ժամը 11:00-ին, ԱԺ նիստերի դահլիճում տեղի կունենան խորհրդարանական լսումներ՝ «Պետություն-ազգային եկեղեցի հարաբերությունների ներկա վիճակի առնչությամբ» ՀՀ Ազգային ժողովի հայտարարության վերաբերյալ:
Նշենք, որ ՀՀ ԱԺ պետական-իրավական հարցերի մշտական հանձնաժողովի՝ մարտի 30-ի հերթական նիստի օրակարգում ՀՀ ԱԺ «Պատիվ ունեմ» խմբակցության նախաձեռնած՝ «Պետություն-ազգային եկեղեցի հարաբերությունների ներկա վիճակի առնչությամբ» ՀՀ ԱԺ հայտարարության մասին հարցն էր:
Հանձնաժողովի նախագահի տեղակալ Արուսյակ Ջուլհակյանը նշել է՝ «Պատիվ ունեմ» խմբակցության ղեկավար Հայկ Մամիջանյանը տեղեկացրել է, որ խմբակցության նախաձեռնությամբ հարցի վերաբերյալ ապրիլի 2-ին հրավիրվելու են խորհրդարանական լսումներ և հնարավոր է, որ լսումների արդյունքում իրենք ստիպված լինեն լրամշակել ԱԺ հայտարարության տեքստը:
Հայկ Մամիջանյանի առաջարկով հարցի քննարկումը հետաձգվել է մինչ7 երկու ամիս ժամկետով:
