26.10.2026 | 11:41
Կենսաբազմազանության կորուստը նաև տնտեսական և պարենային անվտանգության խնդիր է․ Վահան Կոստանյան
Իտալիան 3-րդ անգամ անընդմեջ բաց կթողնի աշխարհի առաջնությունը, ևս 4 եվրոպական հավաքական նվաճել է ուղեգիր․ ՏԵՍԱՆՅՈՒԹ
01.04.2026 | 09:40
Ֆուտբոլի Իտալիայի հավաքականը երրորդ անգամ անընդմեջ չի մասնակցի աշխարհի առաջնությանը։
ԱՄՆ-ում, Կանադայում և Մեքսիկայում կայանալիք ԱԱ-2026-ի եվրոպական գոտու որակավորման փլեյ-օֆֆի եզրափակիչում Ջենարո Գատուզոյի գլխավորած թիմը հետխաղային 11-մետրանոցներով պարտվել է Բոսնիա և Հերցեգովինայի հավաքականին, որը նվաճել է եզրափակիչ մրցաշարի ուղեգիր (տեսանյութ)։
Բոսնիա և Հերցեգովինայում կայացած հանդիպման հիմնական ժամանակն ավարտվել է 1։1 հաշվով։ Խաղի հաշիվը 15-րդ րոպեին բացել է «Ֆիորենտինայի» իտալացի հարձակվող Մոյզե Քինը։ 41-րդ րոպեին իտալացիները 10 խաղացողով են մնացել «Ինտերի» պաշտպան Ալեսանդրո Բաստոնիի հեռացման պատճառով։
79-րդ րոպեին դաշտի տերերի պատասխան գոլը խփել է Մյոնխենգլադբախի «Բորուսիայի» հարձակվող Հարիս Տաբակովիչը։ Հետխաղային 11-մետրանոցներով բոսնիացիները հաղթել են 4։1 հաշվով։
Աշխարհի առաջնության ուղեգիր են նվաճել նաև Շվեդիայի, Չեխիայի և Թուրքիայի հավաքականները։
Աշխարհի քառակի չեմպիոն Իտալիան նախորդ անգամ աշխարհի առաջնությանը մասնակցել է 2014 թվականին՝ խմբային փուլում գրավելով երրորդ տեղը։ ԱԱ-2018-ում ու ԱԱ-2022-ում իտալացիներին չէր հաջողվել նվաճել եզրափակիչ փուլի ուղեգիր։
