24.07.2026 | 23:45
Գագիկ Ծառուկյանի նկատմամբ նոր հանրային քրեական հետապնդում է հարուցվել. փաստաբան
Իսրայելի ՊՆ-ն հայտարարել է, որ իսրայելական զորքերը կմնան հարավային Լիբանանի մի մասում նույնիսկ պատերազմից հետո
Քաղաքականություն
31.03.2026 | 18:52
Իսրայելի պաշտպանության նախարար Իսրայել Կացը հայտարարել է, որ երկրի զինված ուժերը կգրավեն հարավային Լիբանանի մի մասը՝ նույնիսկ «Հըզբոլլահ» զինված խմբավորման դեմ ներկայիս պատերազմի ավարտից հետո։
«Գործողության ավարտին Իսրայելի բանակը կհաստատվի Լիբանանի ներսում գտնվող անվտանգության գոտում՝ հակատանկային հրթիռներից պաշտպանական գծի վրա, և կպահպանի անվտանգության վերահսկողությունն ամբողջ տարածքի վրա մինչև Լիտանի»,- ասել է Կացը՝ նկատի ունենալով սահմանից մոտ 30 կիլոմետր հեռավորության վրա գտնվող գետը։
Կացն ասել է, որ հարյուր հազարավոր տեղահանված լիբանանցի բնակիչների «լիովին կարգելվի» վերադառնալ իրենց տներ՝ մինչև հյուսիսային Իսրայելի անվտանգությունն ապահովվի, իսկ «սահմանին հարակից գյուղերի բոլոր տները կքանդվեն՝ Գազայում Ռաֆահի և Բեյթ Հանունի մոդելով»։
2024 թվականի նոյեմբերին Իսրայելը և «Հըզբոլլահ»-ը համաձայնության էին եկել հրադադարի շուրջ՝ գրեթե մեկ տարի տևած բախումներից հետո։ Սակայն զինյալ խմբավորումը վերսկսեց Իսրայելի դեմ հարձակումները մեկ ամիս առաջ՝ Իրանի պատերազմի սկսվելուց հետո։ Այդ ժամանակից ի վեր Իսրայելը պատասխանում է ծանր ավիահարվածներով և ցամաքային գործողություններով Լիբանանի հարավում։
Թարգմանությունը՝ Էմմա Չոբանյանի
