21.04.2026 | 16:12
Իրանը մահապատժի է ենթարկել մի տղամարդու՝ Իսրայելի հետախուզության հետ ենթադրյալ կապերի համար
Իսրայելը հայտնել է Լիբանանի հարավում իր 4 զինվորների զոհվելու մասին
Քաղաքականություն
31.03.2026 | 11:49
Իսրայելի բանակը Telegram-ում հրապարակմամբ հայտնել է, որ Լիբանանի հարավում տեղի ունեցած մարտական գործողությունների ժամանակ իսրայելցի 4 զինվոր է զոհվել, իսկ 2-ը՝ վիրավորվել, գրում է BBC-ն։
Զոհվածների թվում են 22-ամյա կապիտան Նոամ Մադմոնին, 21-ամյա շտաբային սերժանտ Բեն Քոհենը և 22-ամյա շտաբային սերժանտ Մաքսիմ Էնտիսը։ Եվս երկու զինվորական հոսպիտալացվել է․ մեկ զինվորի վիճակը գնահատվել է «ծանր», մեկ պահեստազորայինը «միջին ծանրության» վիճակում է։
Իսրայելի բանակը հավելել է, որ նույն միջադեպի ժամանակ զոհվել է ևս մեկ զինվոր, սակայն նրա անունը դեռևս չի հրապարակվել։ Իսրայելական ուժերը շարունակում են ներխուժումը Լիբանանի հարավում՝ ցամաքային զորքերով, շարունակելով գործողությունները լիբանանյան «Հըզբոլլահ» շարժման ենթակառուցվածքների դեմ։
Լիբանանի պաշտպանության նախարար Միշել Մենասան անցյալ ուրբաթ հայտարարել էր, որ իսրայելական զորքերը ներխուժել են սահմանից 8 կիլոմետր դեպի խորք։
2024 թվականի նոյեմբերին Իսրայելը և «Հըզբոլլահ»-ը համաձայնության էին եկել հրադադարի շուրջ՝ գրեթե մեկ տարի տևած բախումներից հետո։ Սակայն զինյալ խմբավորումը վերսկսեց Իսրայելի դեմ հարձակումները մեկ ամիս առաջ՝ Իրանի պատերազմի սկսվելուց հետո։
Այդ ժամանակից ի վեր Իսրայելը պատասխանում է ծանր ավիահարվածներով և ցամաքային գործողություններով Լիբանանի հարավում։
Թարգմանությունը՝ Էմմա Չոբանյանի
