26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Իտալիան ԱՄՆ-ին արգելել է մուտք գործել Սիցիլիայի ավիաբազա
Քաղաքականություն
31.03.2026 | 17:34
Իտալիան մերժել է ԱՄՆ ռազմական ինքնաթիռների վայրէջքի իրավունք տրամադրել Սիցիլիայի արևելյան ափին գտնվող համատեղ բազայում, գրում է DW-ն։
Իտալիական Corriere della Serra պարբերականը հաղորդել է, որ երկրի պաշտպանության շտաբի պետ Լուչիանո Պորտոլանոն, գործելով պաշտպանության նախարար Գվիդո Կրոսետտոյի հրամանով, տեղեկացրել է ԱՄՆ հրամանատարությանը, որ ամերիկյան ռմբակոծիչներին թույլ չի տրվի վայրէջք կատարել Կատանիայի մոտ գտնվող Սիգոնելլա ավիաբազայում։
ԱՄՆ ռազմաօդային ուժերի գլխավոր շտաբը նախկինում Պորտոլանոյին տեղեկացրել էր, որ ամերիկյան ռմբակոծիչները վայրէջք կկատարեն Սիցիլիայում՝ նախքան Իրանում առաքելություններ իրականացնելը։ Իտալիայի իշխանությունները որոշել են, որ դրանք իրավունք չունեն վայրէջք կատարել բազայում՝ համաձայն Հռոմի և Վաշինգտոնի միջև կնքված երկկողմ համաձայնագրի։ Դրա համաձայն՝ ամերիկյան կողմն օդանավերն իտալական ռազմաբազա ուղարկելուց առաջ պետք է նախնական խորհրդակցություններ նախաձեռներ Հռոմի հետ, ինչը չի արվել։
Հաշվի առնելով պայմանագրի կոնկրետ պայմանները և այն փաստը, որ որևէ թույլտվություն չի ստացվել, իտալական իշխանությունները հայտարարել են, որ ընտրությունը պարզ է, գրում է իտալական պարբերականը։
«Մենք հանձնառու ենք խորհրդարանին ներկայացնել ցանկացած գործողություն, որը դուրս է գալիս պայմանագրերից և, հետևաբար, պահանջում է թույլտվություն»,- դիմելով երկրի խորհրդարանին՝ հայտարարել է Կրոսետտոն։
Թարգմանությունը՝ Էմմա Չոբանյանի
