26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
«Բարսելոնան» ստիպված կլինի մի քանի ամսով հեռանալ «Կամպ Նոուից»
31.03.2026 | 15:19
Ֆուտբոլի Իսպանիայի չեմպիոն «Բարսելոնան» ստիպված կլինի լքել իր տնային ստադիոն «Կամպ Նոուն» 2027/2028 մրցաշրջանի առաջին մի քանի ամիսների ընթացքում՝ տանիքի տեղադրման աշխատանքներն ավարտին հասցնելու համար, և հավանաբար կրկին կխաղա «Մոնժուիկ» օլիմպիական մարզադաշտում, հաղորդում է Mundo Deportivo-ն։
Ավելի վաղ հաղորդվում էր, որ տանիքի տեղադրումը, որը նախատեսված է 2027 թվականի ամռանը, կպահանջի սպասվածից ավելի շատ ժամանակ։ Սկզբում «Բարսելոնայում» ակնկալում էին ավարտել աշխատանքները շուրջ 4,5 ամսում։ Սակայն ինժեներները նշում են, որ դա կարող է տևել մինչև 7 ամիս, որի ընթացքում մարզադաշտում հանդիպումներ անցկացնել հնարավոր չի լինի։
Ակումբի օպերացիոն տնօրեն Ժոան Սենտելեսը նշել էր, որ «Բարսելոնան» նախատեսում է 2026/2027 մրցաշրջանի վերջին երեք տուրերը և հաջորդ առաջնության առաջին երեք հանդիպումներն անցկացնել արտագնա, որպեսզի ազատի մարզադաշտը աշխատանքների համար։
Անհրաժեշտության դեպքում ակումբը կարող է ժամանակավորապես տեղափոխվել «Էստադի Յոհան Կրոյֆ» մարզադաշտ կամ վերադառնալ «Մոնժուիկ» ստադիոն։ Սակայն երկրորդ տարբերակը ցանկալի չէ ֆինանսական ծախսերի պատճառով, իսկ առաջինը չի համապատասխանում Լա Լիգայի պահանջներին՝ կապված տարողունակության հետ (նվազագույնը՝ 15 հազար տեղ)։
