21.04.2026 | 17:28
Առաջին անգամը չէ, որ աշխատավարձ ենք բարձրացնում․ ավագանու ՔՊ-ական անդամ․ ՏԵՍԱՆՅՈՒԹ
Իտալացի զինվորականին «բռնել» են Բոսնիա և Հերցեգովինայի հավաքականի մարզմանը նկարահանման ժամանակ
31.03.2026 | 14:20
EUFOR (Եվրոպական Միության արագ արձագանքման ուժեր) զինվորականին լրտեսություն անելիս հայտաբերել են ֆուտբոլի Բոսնիա և Հերցեգովինայի հավաքականի մարզման ժամանակ, հաղորդում է Sportsport.ba-ն։
Բոսնիացիները պատրաստվում են Իտալիայի հավաքականի դեմ աշխարհի առաջնության եվրոպական գոտու որակավորման փլեյ-օֆֆի եզրափակիչ հանդիպմանը, որը կկայանա մարտի 31-ին։
Զինվորական համազգեստով իտալացին մարզման ժամանակ մոտեցել է խաղադաշտին և սկսել հեռախոսով նկարահանել մարզումը։ Նրան նկատել են ու հեռացրել մարզադաշտից։ Ավելի ուշ Բոսնիա և Հերցեգովինան բողոք է ներկայացրել EUFO-ի առաքելությանը։
Հիշեցնենք, որ ԱԱ-2026-ի որակավորման փլեյ-օֆֆի կիսաեզրափակիչում իտալացիները 2։0 հաշվով ուժեղ էին գտնվել Հյուսիսային Իռլանդիայի հավաքականից, իսկ բոսնիացիները հետխաղյա 11-մետրանոցներով հաղթել էին Ուելսին (1։1, 4:2)։
