27.07.2026 | 21:00
ՔՆՆԱՐԿՈւՄ․ Զբոսաշրջիկների ռեկորդային հոսք ՀՀ 6 ամսում․ ի՞նչ խնդիրներ և առավելություններ են ի հայտ եկել․ ՏԵՍԱՆՅՈՒԹ
Գևորգ Պապոյանը` աշխատակազմի ղեկավարների բարձր պարգևավճարների մասին
Քաղաքականություն
29.03.2026 | 15:11
Մարտի 29-ի դրությամբ՝ Էկոնոմիկայի նախարարությունում 0 դրամ պարգևավճար է բաշխվել: Այս մասին Factor TV-ի հետ զրույցում նշեց էկոնոմիկայի նախարար Գևորգ Պապոյանը։
Հիշեցնենք՝ ավելի վաղ ցուցակ էր հրապարակվել, որի համաձայն՝ աշխատակազմի ղեկավարները 2,8-5 միլիոն դրամ պարգևավճար պետք է ստանան։
Պապոյանը նշեց, որ պարգևավճարները նախարարությունում տրվում են կատարողականի արդյունքների հիման վրա, բայց ոչ ոք այն դեռևս չի ստացել:
«Նախարարությունը վերցնում է հանձնառություններ՝ ռազմավարություններ, օրենքներ գրելու, բարեփոխումներ անելու, աջակցության ծրագրեր անելու և այլն: Եվ կախված նրանից, թե այդ իր վրա վերցրած պարտավորությունները, այսինքն՝ այդ KPI-ները ինչքանով է կատարել, ըստ այդմ գնահատվում է բոլորի աշխատանքը՝ սկսած առաջին կարգի մասնագետից մինչև ամենաբարձր մակարդակի պաշտոնյաներ, բայց այս պահի դրությամբ, ինչպես նշեցիք, նախ տեղեկատվությանը ծանոթ չէի, և երկրորդ, եթե թիվ եք ուզում, այդ թիվը զրո է՝ 0 դրամ: Ըստ կարգի՝ գիտեք, ամեն ինչ շատ թափանցիկ է, թափանցիկ կհայտարարագրվի, մեջը կգրենք, դուք այդ ամենը կտեսնեք»,- նշեց նա։
Մանրամասները՝ տեսանյութում։
