29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Հենրիխ Մխիթարյանն ու «Ինտերը» դադարեցրել են բանակցությունները
27.03.2026 | 15:26
Հայաստանի ազգային հավաքականի նախկին ավագ Հենրիխ Մխիթարյանն ու իտալական «Ինտերը» դադարեցրել են նոր պայմանագրի վերաբերյալ բանակցությունները, հաղորդում է Fcinter1908.it-ը՝ հղում անելով Tuttosport-ին։
37-ամյա կիսապաշտպանը դեռ վերջնական որոշում չի կայացրել ապագայի վերաբերյալ։ Եթե Մխիթարյանը չերկարաձգի «Ինտերի» հետ պայմանագիրը, կարող է ավարտել կարիերան։
Հայաստանի հավաքականի պատմության լավագույն ռմբարկուի գործող պայմանագրի ժամկետը լրանում է այս մրցաշրջանի վերջում։ Այս օրերին կիսապաշտպանը շարունակում է վերականգնվել վնասվածքից։
Հենրիխ Մխիթարյանը 2022 թվականից է խաղում «Ինտերում», որի կազմում դարձել է Իտալիայի չեմպիոն, գավաթակիր, սուպերգավաթակիր ու երկու անգամ խաղացել է Չեմպիոնների լիգայի եզրափակիչում։ Ընթացիկ մրցաշրջանում հայ ֆուտբոլիստը մասնակցել է 29 հանդիպման, դարձել 2 գոլի ու 3 գոլային փոխանցման հեղինակ։ Transfermarkt-ը 3․5 միլիոն եվրո է գնահատում Մխիթարյանի տրանսֆերային արժեքը։
