17.06.2026 | 01:30
ԱԱ-2026․ Ֆրանսիան մեկնարկեց հաղթանակով, Մբապեի դուբլը. ՏԵՍԱՆՅՈՒԹ
Հենրիխ Մխիթարյանը վնասվածք է ստացել
17.03.2026 | 10:52
Իտալական «Ինտերի» կիսապաշտպան Հենրիխ Մխիթարյանը ձախ ազդրի մկանային վնասվածք է ստացել, հաղորդում է ակումբի մամուլի ծառայությունը։
37-ամյա ֆուտբոլիստի վերականգնման ստույգ ժամկետը դեռ հայտնի չէ։
Մարտի 14-ին Հայաստանի ազգային հավաքականի նախկին ավագը մասնակցել էր «Ատալանտայի» դեմ Իտալիայի առաջնության 29-րդ տուրի հանդիպման (1:1) երկրորդ խաղակեսին:
Getfootballnewsitaly.com-ը գրում է, որ Մխիթարյանը բաց է թողնելու «Ֆիորենտինայի» դեմ հաջորդ խաղը, որը կկայանա մարտի 22-ին։
Ընթացիկ մրցաշրջանում հայ կիսապաշտպանն «Ինտերի» կազմում մասնակցել է 29 հանդիպման, դարձել 2 գոլի ու 3 գոլային փոխանցման հեղինակ։ Transfermarkt-ը 3․5 միլիոն եվրո է գնահատում Մխիթարյանի տրանսֆերային արժեքը։
