16.05.2026 | 15:05
Մայիսի 19-23-ը Հայաստանում կանցկացվի աշխարհի ամենամեծ և հեղինակավոր՝ գինու համտես-մրցույթը՝ «Կոնկուրս Մոնդիալ դե Բրյուսել»-ը
Պակիստանը հայտարարել է ԱՄՆ-Իրան շփումներում միջնորդելու մասին
Քաղաքականություն
26.03.2026 | 20:22
Պակիստանը հայտարարել է, որ Մերձավոր Արևելքում լարվածությունը մեղմելու անուղղակի բանակցությունների շրջանակում փոխանցում է Միացյալ Նահանգների և Իրանի միջև հաղորդագրությունները, գրում է DW-ն։
«Մերձավոր Արևելքում շարունակվող հակամարտությունը դադարեցնելու համար խաղաղության բանակցությունների վերաբերյալ լրատվամիջոցներում անհարկի ենթադրություններ են եղել։ Իրականում, ԱՄՆ-Իրան անուղղակի բանակցություններ են ընթանում Պակիստանի կողմից փոխանցվող հաղորդագրությունների միջոցով։ Այս համատեքստում Միացյալ Նահանգները կիսվել է 15 կետով, որոնք քննարկվում են Իրանի կողմից»,- գրել է Պակիստանի արտաքին գործերի նախարար Իշակ Դարը X-ում։
Ըստ նրա՝ եղբայրական երկրները՝ Թուրքիան և Եգիպտոսը, ի թիվս այլոց, նույնպես իրենց աջակցությունն են հայտնում այս նախաձեռնությանը»։
«Պակիստանը շարունակում է լիովին հանձնառու լինել խաղաղության խթանմանը և շարունակում է ամեն ջանք գործադրել տարածաշրջանում և դրանից դուրս կայունություն ապահովելու համար»,- հավելել է Դարը։
Թարգմանությունը՝ Էմմա Չոբանյանի
