14.09.2026 | 16:35
Գրոնոն Երևանում քննարկել է Հայաստանի և Ադրբեջանի միջև խաղաղության ինստիտուցիոնալացումը՝ Բաքու և Արցախ այցից հետո
Պակիստանը հայտարարել է, որ պատրաստ է հյուրընկալել ԱՄՆ-ի և Իրանի միջև բանակցությունները
Քաղաքականություն
24.03.2026 | 20:12
Պակիստանը պատրաստ է հյուրընկալել ԱՄՆ-ի և Իրանի միջև բանակցությունները՝ Մերձավոր Արևելքում հակամարտությունը կարգավորելու համար։ X-ում հրապարակված գրառմամբ այս մասին հայտարարել է Պակիստանի վարչապետ Շահբազ Շարիֆը։ Նա նշել է, որ Պակիստանը ողջունում և լիովին աջակցում է Մերձավոր Արևելքում պատերազմը դադարեցնելու համար երկխոսության շարունակական ջանքերին՝ տարածաշրջանում և դրանից դուրս խաղաղության և կայունության շահերից ելնելով։
«ԱՄՆ-ի և Իրանի համաձայնության դեպքում՝ Պակիստանը պատրաստ է և պատիվ կլինի կհյուրընկալել՝ նպաստելու շարունակական հակամարտության համապարփակ կարգավորման համար իմաստալից և վճռական բանակցություններին»,- նշել է նա։
Այս հայտարարությունը հնչում է այն ժամանակ, երբ Պակիստանն ուժեղացնում է իր դիվանագիտական կապը Վաշինգտոնի և Թեհրանի միջև։
Պակիստանը նշվում է որպես ԱՄՆ-ի և Իրանի պաշտոնյաների միջև անձնական հանդիպման հավանական հյուրընկալող երկիր, իսկ NBC News-ի աղբյուրները հայտնել են, որ բանակցությունները կարող են տեղի ունենալ Իսլամաբադում արդեն առաջիկա օրերին։
Պակիստանը մի քանի երկրների, այդ թվում՝ Թուրքիայի և Եգիպտոսի հետ միասին, միջնորդ է հանդիսանում ԱՄՆ-ի և Իրանի միջև։
Դիվանագիտական աղբյուրները հայտնել են, որ Պակիստանը կապի մեջ է երկու կողմերի հետ և «պատրաստ է ակտիվ դեր խաղալ» պատերազմը դադարեցնելու ջանքերում։
Թարգմանությունը՝ Էմմա Չոբանյանի
