26.03.2026 | 19:40
Գեղասահքի ԱԱ․ Սեմյոն Դանիլյանցը կարճ ծրագրից հետո ավարտեց ելույթը․ ՏԵՍԱՆՅՈՒԹ
Իսրայելի ՊՆ-ն հաստատում է՝ Իրանի ռազմածովային ուժերի հրամանատարը սպանվել է հարվածի հետևանքով
Քաղաքականություն
26.03.2026 | 16:03
Իսրայելի պաշտպանության նախարար Իսրայել Կացը հայտարարել է, որ օդային հարվածի հետևանքով սպանվել է Իրանի Իսլամական հեղափոխության պահապանների նավատորմի հրամանատար Ալիռեզա Թանգսիրին։
«Երեկ գիշերը, ճշգրիտ և մահացու գործողության ընթացքում, Իսրայելի բանակը ոչնչացրեց Իսլամական հեղափոխության պահապանների նավատորմի հրամանատար Թանգսիրին՝ ռազմածովային հրամանատարության բարձրաստիճան սպաների հետ միասին։ Նա անմիջականորեն պատասխանատու էր ականապատման և Հորմուզի նեղուցը ծովային երթևեկության համար փակելու ահաբեկչական գործողության համար»,- նշել է նա։
Ըստ Կացի՝ հարվածն «ուղերձ» է ԻՀՊԿ-ին․ «Իսրայելի բանակը կհետապնդի ձեզ և կվերացնի ձեզ մեկ առ մեկ։ Մենք կշարունակենք գործել Իրանում ամբողջ ուժով՝ պատերազմի նպատակներին հասնելու համար»։
Իսրայելցի պաշտոնյաների խոսքով՝ Թանգսիրին թիրախավորվել է Իրանի Բանդար Աբբաս նավահանգստային քաղաքում՝ ԻՀՊԿ ռազմածովային ուժերի ավագ հրամանատարների հետ հանդիպման ժամանակ։
Իրանը դեռևս չի մեկնաբանել այս հայտարարությունները։
Ալիռեզա Թանգսիրին նշանակվել է Իսլամական հեղափոխության պահապանների կորպուսի (ԻՀՊԿ) ռազմածովային ուժերի հրամանատար 2018 թվականին։ Մինչ այդ, 2010 թվականից ի վեր նա եղել է ԻՀՊԿ ռազմածովային ուժերի հրամանատարի տեղակալը։
Թարգմանությունը՝ Էմմա Չոբանյանի
