17.08.2026 | 23:08
Զորականում և Ամասիայում շչակներ են փորձարկվելու
Իսրայելը հայտարարել է Իրանի ՌԾՈՒ հրամանատարի սպանվելու մասին, որը պատասխանատու էր Հորմուզի նեղուցի փակման համար
Քաղաքականություն
26.03.2026 | 14:02
Իսրայելցի պաշտոնյան հայտնել է, որ Իսլամական հեղափոխության պահապանների կորպուսի ռազմածովային ուժերի հրամանատար Ալիռեզա Թանգսիրին սպանվել է Բանդար Աբբասում հարվածի ժամանակ, գրում է The Times of Israel-ը։
Պաշտոնյան ասել է, թե Թանգսիրին պատասխանատու էր Հորմուզի նեղուցի փակման համար։
Իրանից կամ իսրայելական զինվորականներից դեռևս որևէ մեկնաբանություն չի եղել հարվածի վերաբերյալ։
Նշենք, որ Հորմուզի նեղուցով անցումը մարտի սկզբից ի վեր փաստացի խափանվել է։ Սովորաբար օրական շուրջ 20 միլիոն բարել նավթ է անցնում դրանով, այս խափանումը բարձրացրել է նավագնացության ծախսերն ու ավելացրել նավթի համաշխարհային գները։
Տարածաշրջանային լարվածությունը շարունակում է սրվել այն բանից հետո, երբ ԱՄՆ-ը և Իսրայելը փետրվարի 28-ին համատեղ հարձակում սկսեցին Իրանի վրա, որի հետևանքով մինչ օրս զոհվել է ավելի քան 1340 մարդ, այդ թվում՝ այն ժամանակվա գերագույն առաջնորդ Ալի Խամենեին։ Իրանը հակադարձում է անօդաչու թռչող սարքերով և հրթիռային հարվածներով՝ ուղղված Իսրայելին, ինչպես նաև Հորդանանին, Իրաքին և Պարսից ծոցի երկրներին, որտեղ տեղակայված են ԱՄՆ ռազմական ակտիվներ, պատճառելով զոհերի և ենթակառուցվածքների վնաս, միաժամանակ, խաթարելով համաշխարհային շուկաներն ու ավիացիան։
Թարգմանությունը՝ Էմմա Չոբանյանի
