25.03.2026 | 16:53
Արարատի և Արմավիրի մարզերում կասեցվել է 7 ապօրինի հորի շահագործում
ՔՊ-ն կրկնում է այն, ինչը քննադատում էր․ Թովմասյանին կփոխարինի Վարդանյանը
Քաղաքականություն
25.03.2026 | 14:00
Ազգային ժողովում այսօր հայտարարվեց՝ Վլադիմիր Վարդանյանը ընտրվել է Սահմանադրական դատարանի դատավոր։ Ընդդիմադիր պատգամավորները հիշեցին ավելի վաղ ԱԺ-ից մեկ այլ պատգամավորի տեղափոխումը ՍԴ։ Հրայր Թովմասյանի՝ այդ պաշտոնում նշանակումը քննադատվում էր օրվա իշխանությունների կողմից, այդ թվում՝ նրա քաղաքական անցյալի համար։
Ստացվում է, որ հիմա «Քաղաքացիական պայմանագիր» խմբակցությունը նույնն է անում։
2019-ի հոկտեմբերին «Իմ քայլը» դաշինքն անգամ «Սահմանադրական դատարանի դատավոր Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին» ԱԺ որոշման նախագիծ էր ներկայացրել, որն ընդունվել էր։ Այդ ժամանակ ՔՊ-ական մի շարք անդամներ քննադատել էին Թովմասյանին քաղաքական պաշտոնից ՍԴ տեղափոխելու գործընթացը։
Ավելի վաղ քաղհասարակության ներկայացուցիչներն էին հայտարարություն տարածել Վլադիմիր Վարդանյանին ՀՀ Սահմանադրական դատարանի դատավորի պաշտոնում առաջադրելու վերաբերյալ, նշել, որ ավելի քան յոթ տարի քաղաքական գործունեությամբ զբաղվելու և կուսակցական լինելու հանգամանքն առերևույթ կասկած է հարուցում նրա՝ որպես Սահմանադրական դատարանի դատավոր անաչառ պաշտոնավարման հնարավորության վերաբերյալ և կոչ արել ձեռնպահ մնալ նրա թեկնածությանը կողմ քվեարկելուց։
Մանրամասները՝ տեսանյութում։
Եվգենյա Համբարձումյան
