18.12.2025 | 23:24
ՀՀ տարածքում ավտոճանապարհները հիմնականում անցանելի են
Ինչպե՞ս կարող էին առանց իմ համաձայնության ինձ ընդգրկել ցուցակում. ՀՀԿ-ական պատգամավոր Ռ․ Գրիգորյան. ՏԵՍԱՆՅՈՒԹ
Քաղաքականություն
16.11.2018 | 12:30
Ինչպե՞ս կարող էին առանց իմ համաձայնության ինձ ընդգրկել ցուցակում: Այսօր՝ նոյեմբերի 16-ին, ՀՀ Ազգային ժողովում լրագրողների հետ զրույցում այս մասին ասաց ՀՀԿ խմբակցության պատգամավոր Ռաֆիկ Գրիգորյանը՝ հերքելով լուրերը, թե չի ցանկացել ընդգրկվել ՀՀԿ-ի համապետական ընտրացուցակում:
Նա տեղեկացրեց, որ դեկտեմբերի 9-ի ԱԺ արտահերթ ընտրություններին ռեյտինգային ընտրակարգով չի առաջադրվել, քանի որ ՀՀԿ-ն որոշել է երիտասարդացնել կուսակցությունը: « ՀՀԿ-ն ընտրություններից հետո ձեռնամուխ է լինելու կուսակցության արդիականացմանն ու երիտասարդացմանը: Քննարկումների, համաձայնության արդյունքում իմ որոշումն է եղել՝ չառաջադրվել ռեյտինգային ընտրակարգով, բայց հիմնավորումը սա է, որ հնարավորություն տալ երիտասարդներին, որպեսզի նրանք առաջադրվեն ռեյտինգայինով»,- նշեց Գրիգորյանը:
Հարցին, հնարավո՞ր է՝ այլևս չի կարող ձայն հավաքել, դրա համար չի առաջադրվել ռեյտինգայինով, Ռաֆիկ Գրիգորյանը պատասխանեց. «Ձեզ խորհուրդ կտամ գնալ Գեղարքունիքի մարզ, հարցումներ իրականացնել վերջին գոնե հինգ տարիներին մարզպետի պաշտոնում իմ գործունեության մասին»:
Մանրամասները՝ տեսանյութում:
