24.03.2026 | 23:07
Գերմանիայում ձերբակալվել է երկու անձ ՌԴ-ի օգտին լրտեսության կասկածանքով
Արարատի մարզում գազալցակայանի գործունեություն է կասեցվել
Տնտեսություն
24.03.2026 | 20:37
ՀՀ շուկայի վերահսկողության տեսչական մարմինը հայտնաբերել է գերլիցքավորման դեպք Արարատի մարզում գործող գազալցակայանում, որի արդյունքում ժամանակավորապես կասեցվել է հեղուկ գազի վաճառքը։
ՀՀ շուկայի վերահսկողության տեսչական մարմնից տեղեկացնում են, որ վերահսկողական գործողություններ են իրականացվել հեղուկացված ածխաջրածնային գազի, բենզինի և դիզելային վառելիքի վաճառքով զբաղվող «ԱՐՏՅՈՄ ԽԱՉԱՏՐՅԱՆ ՎԱՐԱԶԴԱՏԻ» ՍՊԸ-ին պատկանող լցակայանում (հասցե՝ Արարատի մարզ, Գեղանիստ, 1-ին փողոց, 28)։
Ստուգման արդյունքում արձանագրվել է հեղուկացված ածխաջրածնային գազի գերլիցքավորման դեպք։Խախտման հետևանքով տեսչական մարմինը իրականացրել է լցակայանի չափման միջոցի կապարակնքում՝ մինչև խախտման վերացումը, ինչի արդյունքում կասեցվել է հեղուկ գազի վաճառքը։Նշվում է, որ տնտեսվարողը կենթարկվի վարչական պատասխանատվության՝ օրենքով սահմանված կարգով։
